Ўзбекистон, Тошкент – Batafsil.uz. Аёллар стартаплари учун экспортли акселерациянинг Tumaris.Tech  дастури иштирокчиларига стартапларни жаҳон бозорларига олиб чиқишда ёрдам берилади.

Дастурга янги қабулнинг ишга туширилгани ҳақида IT Park хабар берган. Унга 20 июнгача рўйхатдан ўтиш мумкин.

Tumaris.Tech дастури USAID раҳнамолиги остида Тадбиркорлик ва бизнесни ривожлантириш лойиҳаси билан биргаликда амалга оширилмоқда. Иштирокчилар экспортни кенгайтиришда ҳам ёрдам олишлари мумкин.

Таъкидланишича, Tumaris.Tech лойиҳаси 2020 йилда технология бизнесидаги аёлларни қўллаб-қувватлаш учун ишга туширилган. Унинг доирасида рақамли маҳорат курслари, воркшоплар, хакатонлар, шунингдек стартаплар кўргазмалари ўтказилади.

2022 йилда IT Park Tumaris.Tech лойиҳасини амалга ошириш учун ахборотлашган жамият масалалари бўйича Бутунжаҳон саммитининг (WSIS) "Салоҳият яратиш" мукофотига сазовор бўлган.