Ўзбекистон, Тошкент – Batafsil.uz. Болаларнинг шаҳардан ташқарига саёҳат қилишида уларга йўл ҳаракати хавфсизлиги хизматининг махсус машинаси ҳамроҳ бўлиши керак. Шу билан бирга, хизмат пуллик бўлиб экан. Бу ҳақда мухбиримиз хабар бермоқда.

"Истеъмолчи" гуруҳида ота-оналар болаларнинг шаҳар ташқарисига саёҳатини ташкил этиш масаласини муҳокама қилишган. Ўқувчиларни Оқтошга олиб бориш керак бўлган, аммо мактаб маъмурияти болалар автобуси "гаи" билан бирга бўлиши кераклиги тўғрисида маълум қилган.

Истеъмолчилар ҳайрон бўлишган-ўтган йили бундай бўлмаган. Шу билан бирга, кузатув хизмати пуллик экан. Шарҳловчиларнинг фикрига кўра, унинг нархи соатига 400 -500 минг сўмни ташкил қилади.

ЙҲҲҲ матбуот хизмати таҳририятимизга ушбу маълумотни тасдиқлади. Маълум бўлишича, бу ҳукуматнинг 2019 йилда қабул қилинган қарори билан белгиланган экан.

Саёҳатни ташкил қилиш учун Мактабгача ва мактаб таълими вазирлигининг туман бўлимига мурожаат қилиш керак. Саёҳат маъқуллангандан ва ташувчи билан шартнома тузилгандан сўнг, мактаб кузатувни ташкил қилиш учун Ички ишлар вазирлигининг Давлат йўл ҳаракати хавфсизлиги хизматига мурожаат қилиш лозим.

Ҳужжатга кўра, баъзи ҳолларда кузатув бепул амалга оширилади, аммо тоғларга саёҳат қилиш ушбу рўйхатга киритилмаган. Хизмат шартнома асосида тўланади.

Эслатиб ўтамизки, ўтган йили Ўзбекистонда йўловчиларни тунда ЙҲХХ инспекторларининг ҳамроҳлигисиз автобусларда ташишга рухсат берилган эди.