Украина президенти девони раҳбари маслаҳатчиси Михаил Подоляк Россиядаги “Crocus City Hall”даги ҳужумга муносабат билдирди.

У марказий минтақада бир гуруҳ қуролланган шахслар кўп одамлар гавжум бўлган жойга “ҳеч қандай текширувларсиз” кириб, одамларни бир ярим соатдан кўпроқ вақт давомида отиб ташлаганига эътибор қаратди.

Бундан ташқари, Украина раҳбари идораси вакилининг таъкидлашича, террорчиларнинг тўлиқ гуруҳи "Crocus City Hall"га келган машиналарда хотиржамлик билан бинони тарк этишган".

"Дастлабки маълумотлар ва гувоҳларнинг кўрсатмалари ҳужумчиларнинг портретларини тақдим этади ва уларнинг исломий радикаллар вакиллари билан алоқасини аниқ кўрсатади", деди у.

Подоляк эътиборни "қидирувдаги шахслар чегарани аниқ, намойишкорона кесиб ўтиш учун фаол жанглар кетаётган ва ҳар бир метр Россия хавфсизлик кучлари билан тўлдирилган ёпиқ назорат-ўтказиш пунктлари томон ҳаракатланаётгани"га эътибор қаратди.

“Хулоса очиқ-ойдин: Украинани теракт билан боғлашга бўлган ҳар қандай уринишлар мутлақо мантиққа зид. Украинанинг бу воқеага ҳеч қандай алоқаси йўқ”, - деди у.