Туркияда 53 ёшли ўзбекистонлик зинадан йиқилиб вафот этди.  Бу ҳақда Ўзбекистоннинг Истанбул шаҳридаги Бош консулхонаси хабар берди

Султонбейли туманида вақтинча яшаётган ва ишлаётган 1971 йилда Самарқанд вилоятида туғилган Рустамов Қаҳрамон Азамович иш жойида зинадан йиқилиб, хушини йўқотган ва воқеа жойида вафот этган. 

Ҳозирги вақтда фуқаронинг жасади моргда сақланмоқда.

Унинг Ўзбекистондаги яқин қариндошлари ёки танишларидан зудлик билан Бош консуллик телефон рақамлари: (212)3232037; (212)3232036 ёки https://t.me/konsul_7_24 га мурожаат қилишлари сўралмоқда.