Ўзбекистон, Тошкент – Batafsil.uz. Мухбиримиз берган хабарга кўра, Мирзиёев аёлларга имтиёли таълим кредитлари бериш тўғрисидаги қарорни имзолаган.

Ҳужжат республиканинг барча хусусий, хорижий, давлат олий, ўрта махсус, касб-ҳунар таълим муассасалари таълимининг кундузги, сиртқи ва кечки таълимнинг тўлов-контракт шаклларига тегишлидир.

Бундан кейин:

• тижорат банклари 14 фоиз ставкада таълим кредитлари беради;

• таълим кредитининг асосий қисми талабанинг ўқиш муддати расмий тугаганидан кейин еттинчи ойдан бошлаб 7 йил ичида тўланади;

• таълим кредитини расмийлаштириш ва тўлашда талабанинг доимий даромадга эга бўлган оила аъзолари ва бошқа учинчи шахсларнинг биргаликда қарз олувчилар сифатида иштирок этишига йўл қўйилади;

• "Иижтимоий ҳимоянинг ягона реестри" га киритилган оилаларнинг аёлларига таълим кредитлари ажратиш учун гаров ва кафиллик талаб қилинмайди.

Мирзиёев Вазирлар Маҳкамасига бир ой муддатда олий, ўрта махсус, касб-ҳунар таълими ташкилотларида тўлов-контракт асосида хотин-қизларнинг ўқиши учун таълим кредитлари ажратиш тартиби тўғрисидаги Низомни тасдиқлаш бўйича топшириқ берган.

Ўзбекистон бўйлаб янгиликлар: Telegram-каналга уланинг