Ўзбекистон, Тошкент – Batafsil.uz. Андижон вилоятида шифокорлар боласи кесиб олинган бемор аёлнинг қорнида салфеткани унутиб қолдиришган. Воеқадан ўн ой ўтгач, аёл ичакларнинг ўткир беркилиб қўйилиши ташҳиси билан яна касалхонага тушган. Бу ҳақда мухбиримиз хабар бермоқда.  

“Асака туманида яшовчи 26 ёшли аёл 2020 йилнинг    5 октябрь куни ҳомиладорликнинг 39-ҳафтасида туғруқхонага қабул қилинди. Унда асоратлар борлиги туфайли шифокорлар болани кесиб олишга қарор қилишди. Натижада, 7 октябрь куни вазни 3600 грамм бўлган бола туғилди”, - дея хабар бермоқда маҳаллий ҳокимияит.

10 октябрь куни она ва бола уйга жавоб берилган. Унинг аҳволи шифокор ва яшаш жойидаги оилавий поликлиника ҳамшираси томонидан назоратга олинган.

Ўн ой ўтгач, яъни 2021 йил 16 августда аёл яна ўткир ичак беркилиши ташхиси билан касалхонага ётқизилган. Текширув давомида беморнинг ингичка ичагига бегона жисм – салфетка тиқилиб қолгани аниқланган. Шифокорлар зудлик билан операция қилишган ва уни танадан олиб ташлашган.

28 август куни бемор қониқарли ҳолатда уйига юборилган. Ҳозир она ва боланинг саломатлиги яхши.

Ўзбекистон бўйлаб янгиликлар: Telegram-каналга уланинг