Украина президенти Владимир Зеленский декабрь ойида бўлиб ўтадиган йиғилишда Европа Иттифоқи етакчиларидан иттифоққа қўшилиш бўйича совға кутмаслигини айтди. Бу ҳақда "ТАСС" хабар бермоқда.

"Европа Иттифоқининг декабрдаги қарорига келсак, биз совғаларни кутмаяпмиз. Шунга қарамай, одамлар мамлакат уруш ҳолатида эканлигига эътибор беришларини истардим”, — деди Зеленский.

Унинг таъкидлашича, декабрь ойида Украина учун қабул қилинган қарор "сафарли ва рағбатлантирувчи қарор" ва бу Украинага дунёда адолат борлигини тушунишга ёрдам бериши мумкин.

Украина президентининг таъкидлашича, мамлакат ҳозир Еврокомиссиянинг барча тавсияларини амалга оширмоқда ва амалга оширишда давом этади.