АҚШ Давлат департаменти маълумотларига кўра, ёрдам пакети HIMARS тизими ўқ-дорилари, 155 ва 105 мм калибрли артиллерия ўқ-дорилари, миномётлар, танкга қарши тизимлар, аниқ авиабомбалар, ўқотар қуроллар, гранаталар, танкга қарши миналар ва бошқаларни ўз ичига олади.

Бу ҳарбий ёрдам пакети АҚШ Конгресси Киевга 61 миллиард доллар маблағ ажратганидан бери бешинчиси бўлади. Умуман олганда, Пентагон маълумотларига кўра, Қўшма Штатлар уруш бошланганидан бери Украинани қўллаб-қувватлаш учун 50 миллиард доллардан ортиқ маблағ сарфлаган.