Собиқ мутлақ жаҳон чемпиони Константин Цзюнинг кенжа фарзанди Никита Цзю ўзининг навбатдаги жангини ўтказди.

Сидней шаҳрида бўлиб ўтган проф бокс оқшомида 26 ёшли Никита ўрта вазн тоифасида ўзига тегишли Австралия чемпионлик камарини илк бор ҳимоя қилди. Цзю 34 ёшли ватандоши Данило Креатига қарши рингга кўтарилди.

Ўн раунд тўлиқ давом этган жангда кичик Цзю рақибини очколар ҳисобига кўра 100-88, 99-90, 100-89 ҳисобларида мағлубиятга учратди. Иккинчи раундда Креати нокдаун ҳолатига ҳам тушиб қолган.

Жангдан кейин ўтказилган матбуот анжуманида промоутер Жорж Роуз австралиялик боксчилар Коэн Мазудье (12-3-1, 5 КО) ва Брок Жарвис (21-1, 19 КО)ни Никита Цзюнинг кейинги эҳтимолий рақиблари сифатида эълон қилди.