Ла-Лига матбуот хизмати “Реал” ва “Реал Сосьедад” ўртасидаги миллий чемпионат учрашуви бир кун олдин ўтказилиши ҳақида хабар берди.

Ушбу учрашув 27 апрел, шанба куни бўлиб ўтиши керак эди, бироқ янги санага кўра 26 апрель, жума куни бўлиб ўтади.

Бу қарор Мадрид клубининг илтимосига кўра қабул қилинди, чунки 30 апрель, сешанба куни Германияда “Реал” ва “Бавария” ўртасидаги Чемпионлар лигаси ярим финалининг биринчи ўйини бўлиб ўтади.

Аввалроқ “Лос-Бланкос” “Манчестер Сити”ни мағлуб этиб, турнирнинг ярим финалига йўл олганди.