Бирлашган Миллатлар Ташкилоти Бош Ассамблеяси (УНГА) Исроилни босиб олинган Фаластин ҳудудларини тарк этишга чақирувчи резолюцияни қабул қилди . Бу ҳақда ташкилотнинг расмий сайти хабар берди .

«Қабул қилинган тегишли ҳужжатга кўра, БМТ Бош Ассамблеяси Исроилдан Фаластиннинг босиб олинган ҳудудидаги ноқонуний мавжудлигига зудлик билан чек қўйишни талаб қилади. Тел-Авив буни ушбу резолюция қабул қилинганидан кейин 12 ойдан кечиктирмай амалга ошириши керак. Бирлашган Миллатлар Ташкилоти, шунингдек, Исроилдан халқаро ҳуқуқ доирасидаги барча қонуний мажбуриятларини бажаришини талаб қилади», — дейилади ҳужжатда.