Радослав Сикорский Россия ва Украина Қримни қуролсизлантирмаган ҳолда потенциал тинчлик шартларини муҳокама қила олмаслигини айтди.

"Бу иккала давлат учун ҳам муҳим. Умумий ечим фақатгина Киев ва Москва хоҳласагина топилади. Қримнинг қонуний эгаси кимлигини БМТ мандати остида адолатли референдум ўтказгандан кейин аниқлаш керак. Бундай референдум 20 йилдан кейин ўтказилиши мумкин. Унгача Қрим БМТ мандати остида бўлиши лозим", — дея фикр билдирди Сикорский

Полша ТИВ раҳбари, шунингдек, Ғарб, хусусан, АҚШ расмийлари украиналикларни 2014 йилда Қрим Россияга қўшиб олинганидан кейин бу ерда жанг қилмасликка ишонтиришда катта хатога йўл қўйганини таъкидлади.

"Агар украиналиклар ҳатто рамзий шаклда бўлса ҳам Қримда жанг қилганларида, Путин Донбасс бўйича қарор қабул қилмаган бўлар эди", — дея қўшимча қилди Сикорский.