Қирғизистон махсус хизмати ҳокимиятни зўравонлик билан эгаллаб олишга уринишни тўхтатди, деб хабар беради АКИpress Давлат миллий хавфсизлик қўмитасига таяниб.

Қайд этилишича, тартибсизликлар орқали мамлакатдаги ижтимоий-сиёсий вазиятни издан чиқаришни режалаштирган бузғунчи гуруҳ қўлга олинган.

Терговчиларнинг қайд этишича, гуруҳ жиноятчилик мафкурасини қўллаб-қувватловчи ва диний мафкураларни ақидапарастлик билан қабул қилувчи шахслардан иборат бўлган.

Олиб борилган тезкор тадбирлар давомида беш киши қўлга олиниб, қурол-яроғ ва бошқа ашёлар мусодара қилинган.