Осиё қитъасида 2026 йилги жаҳон чемпионатининг саралаш босқичи доирасида Ўзбекистон - Эрон учрашуви бўлиб ўтди. Унда томонлар 2:2 ҳисобидаги дурангга имзо чекди.

Дастлаб, форслар Рамин ва Таремининг голлари эвазига олдинга чиқиб олди. Бироқ вакилларимиз ирода намойиш этди ва Ўрунов ҳамда Сергеевнинг голлари ҳисобига мувозанатни тиклади. Қайд этиш лозим, Игорь Сергеев захирадан майдонга тушганига кўп бўлмасдан тезкор гол уришга муваффақ бўлди. Шундан сўнг мухлислар бошқа гол кўрмади.

Ушбу натижадан сўнг икки жамоа ҳисобида ҳам очколар сони бир хил 4 тага етди. Тўплар фарқининг яхшилиги эвазига Эрон 1-ўринни банд этиб турибди.

"E" гуруҳи. 2-тур

Ўзбекистон – Эрон 2:2

Гол: 0:1 — 14, Рамин Ризоян, 0:2 — 38, Меҳди Тареми, 1:2 — 52, Остон Ўрунов, 2:2 — 83, Игорь Сергеев.

Ўзбекистон: 1.Ўткир Юсупов, 3.Ҳожиакбар Алижонов, 4.Фарруҳ Сайфиев, 5.Рустам Ашурматов (21.Игорь Сергеев, 82), 7.Отабек Шукуров, 9.Одилбек Ҳамробеков, 10.Жалолиддин Машарипов (22.Аббос Файзуллаев, 62), 11.Остон Ўрунов (2.Абдуқодир Ҳусанов, 89), 14.Элдор Шомуродов (с), 15.Умар Эшмуродов, 23.Ҳусниддин Алиқулов.

Захира: 12.Абдувоҳид Неъматов, 16.Ботирали Эргашев, 6.Азизбек Ғаниев, 8.Жамшид Искандеров, 13.Шерзод Насруллаев, 17.Жасур Яхшибоев, 18.Абдулла Абдуллаев, 19.Азизбек Турғунбоев, 20.Ҳожимат Эркинов.

Эрон: 1.Алиризо Бейранванд, 4.Шожа Халилзода, 5.Милод Муҳаммадий (3.Эҳсон Ҳожисафи, 90+4), 6.Саид Иззатуллоҳи, 9.Меҳди Тареми, 13.Ҳусайн Канани, 14.Саман Ғоддос (18.Али Карими, 42), 16.Меҳди Тораби (11.Ризо Асади, 90+4), 20.Сердар Азмун (15.Рузбеҳ Чешми, 75), 21.Муҳаммад Моҳеби (7.Меҳрад Муҳаммади, 75), 23.Рамин Ризоян.

Захира: 12.Пайам Ниазманд, 22.Саид Ҳуссайни, 2.Садиг Муҳаррами, 8.Омид Иброҳими, 10.Карим Ансорифард, 17.Жавод Ҳуссайнезад, 19.Мажид Ҳуссайни.

Огоҳлантириш: Ҳусниддин Алиқулов (3), Ҳусайн Канани (48), Срецко Катанец (76), Фарруҳ Сайфиев (76), Али Карими (80)