Ўзбекистон олимпия терма жамоаси сардори Жасур Жалолиддинов бугунги машғулотларда сайтимизга кичик интервью берди.
- Ўзбекистон терма жамоаси даҳшатли футбол намойиш этмоқда, 10 та гол ва барча учрашувлардаги ғалаба бу ажойиб натижа. Ўзбекистон 2018 йилда қайд этган натижасини яна такрорламоқчими?
- Эртага бизни қизиқарли учрашув кутиб турибди. Гол ўтказмаётганимизга сабаб футболчиларнинг меҳнаткашлигидир. Шундай давом этишни режалаштирмоқдамиз.
- Индонезия терма жамоаси гуруҳ босқичида ажойиб қатнашди ва чорак финалда кучли рақибни мағлуб этди. Уларга қарши кечадиган учрашувга руҳий ва жисмоний томонлама қандай тайёргарлик кўрдингизлар?
- Биз яхши тайёрландик. Соврин сифатида олимпиадага йўлланма қўйилган. Биз ҳали олимпиадага чиқмаганмиз. Қийин учрашув бўлишини олдиндан биламиз. Эртага икки жамоа ҳам борини бериб ўйнаши аниқ.
- Кўпчилик Ўзбекистон терма жамоасининг кучли жиҳатларини айтиб ўтишмоқда. Индонезиянинг кучли жиҳатларини ҳеч ким санаб ўтмаяпти. Рақибларимизни қайси жабҳада кучли дея оласиз?
- Индонезия терма жамоасининг асосий кучи ҳужумга тезда ўтиши ва тартибли ҳимояланишида. Уларда хоҳиш ва иштиёқ катта, шу сабабли оддий аутдан унумли фойдаланишмоқда. “Замин” янгиликларини “Twitter”да кузатиб боринг