23 ёшгача бўлган футболчилар ўртасидаги Осиё кубоги гуруҳ босқичининг 3-турида Ўзбекистон олимпия терма жамоаси Вьетнамга қарши баҳс олиб борди. Унда ҳамюртларимиз йирик 3:0 ҳисобидаги ишончли ғалабани қўлга киритди.

Кеча "Ал Рабиа" ТВ орқали Ироқнинг рақибини мухокама қилган журналистлар терма жамоамизни дадил қарорини мақтади. Улар Ўзбекистон U23 термасини Саудия Арабистони билан ўйиндан қочмай, 3-турда ғалаба учун ўйнаганини алоҳида эътироф этди.

Шунингдек, Кападзе шогирдларини мусобақа ғолиблиги учун асосий даъвогар эканлиги ва бизда яхши авлод етишиб чиқаётгани ҳақида фикр билдирди. Ҳамюртларимиз гуруҳ босқичида энг яхши ўйин кўрсатган 2 жамоадан бири бўлди.

Эслатиб ўтамиз, Ўзбекистон U23 ва Саудия Арабистони U23 жамоалари ўртасидаги баҳс 26 апрель куни соат 19:00да старт олади. “Замин” янгиликларини “Twitter”да кузатиб боринг