![Detail image](https://dnews.uz/img/assets_front/img/news/zamin/zamin66968d9bd026b.webp)
![Шакира Америка кубоги финалидаги 8 дақиқалик чиқиши учун қанча гонорар олди? (видео)](/uploads/posts/2024-07/x16684afab9_image-xlwhwtrt.webp.pagespeed.ic.if2doV7nz1.webp)
Фото: Cоpa America
Колумбиялик хонанда Шакиранинг 2024 йилги Америка кубоги финали танаффус вақтида ўзининг кичик концерти учун қанча пул олгани маълум бўлди. Бу ҳақда “Вести.kz” нашри хабар берди.
Америка Кубоги учун бўлиб ўтган ўйинда илк бор мухлисларга Супер Кубок услубидаги мусиқий шоу тақдим этилди. Унда Шакира ўзининг ҳит қўшиқлари билан чиқиш қилди. Хонанда қизиқарли ва махсус эффектларга тўла шоудан қарийб 2 миллион доллар ишлаб олди. Аргентиналик журналист Хуан Эчегоен Митре Live нашрида бу ҳақда маълумот қолдирди:
“Бундай тадбирларга қилинган сарф-харажатлар албатта барчамизни ҳайратга солади. Шунга қарамай, тажрибалардан маълумки, футболга киритилган сармоя доим ўз самарасини беради”.
Қарийб 8 дақиқа давом этган шоуда Шакира “Hips Don’t Lie”, “Te Felicito”, “TQG” вa “Punteria” номли 4 та қўшиғини ижро этди.
Ўйиндаги танаффус 25 дақиқа давом этди, мини концертнинг ўзи саккиз дақиқа бўлиб ўтди. Қолган вақт катта саҳна ва қўшимча жиҳозларни ўрнатиш ва демонтаж ишлари учун сарфланди. Шоу сабабли футбол танаффусининг чўзилиши ва ўйиннинг кечикиши баъзи мухлислар томонидан танқид қилинди. “Замин” янгиликларини “Facebook”да кузатиб боринг