MLS чемпионатининг навбатдаги турида “Интер Майами” ўз мухлислари кўз ўнгида “Нью-Йорк Ред Буллз” жамоаси билан куч синашди.

Ўйин 6:2 ҳисобида мезбонлар фойдасига ҳал бўлди. Ушбу баҳсда Лионель Месси ҳақиқий юлдуз қандай бўлишини кўрсатиб қўйди. 36 ёшли ҳужумчи жамоасининг барча голларида иштирок этди.

Месси узоқ йиллик фаолиятида илк бор бир учрашувда бешта голли пас узатди.

Аргентиналик форвард ассистлар борасида пента-трикни амалга оширишдан ташқари ўзи ҳам рақиб дарвозасини ишғол қилди.

Интер Майами – Нью-Йорк Ред Буллс 6:2 (0:1, 6:1)
Голлар: 0:1 – 30 Ванзейр, 1:1 – 48 Рохас, 2:1 – 50 Месси, 3:1 – 62 Рохас, 4:1 – 68 Суарес, 5:1 – 75 Суарес, 6:1 – 81 Суарес, 6:2 – 90+7, пенальти Форсберг.

Интер Майами – Кэллендер, Вейгандт, Фрейре, Авилес, Негри (Аллен, 84), Бускетс, Грессель (Брайт, 66), Руис (Рохас, 46), Тэйлор (Кремаски, 66), Месси, Суарес (Кампана, 84).

Нью-Йорк Ред Буллс – Карлос, Данкан, Рейес, Нилис, Толкин, Кармона (Гженгаар, 82), Форсберг, Амайя (Элиас Маноэл, 70), Эделман, Морган, Ванзейр (Донкор, 82).
«Замин» янгиликларини «Вконтакти»да кузатиб боринг