Индонезия ОТЖ Қатардаги Осиё кубогида учинчи ўрин учун баҳсда Ироққа мағлуб бўлди ва Олимпиадага тўғридан-тўғри чиқиш имкониятини йўқотди.

Эндиликда улар 9 май куни Парижда Африка вакили Гвинея билан плей-офф ўйинида куч синашади. Индонезия ОТЖ устози Шин Таэ Йонг жамоасининг мағлубиятини қуйидагича изоҳлади.

"Натижа жуда ачинарли. Биз қўлимиздан келганини қилдик. Лекин олдинда Олимпиадага бориш учун яна бир имкониятимиз бор. Ўша имкониятдан фойдаланишга уриниб кўрамиз. Майдонда икки жамоа ҳам учинчи ўрин ва Олимпиада йўлланмаси учун курашди. Жамоамдан катта куч сарфлаганлари учун миннатдорман. Олимпидада Осиёдан 4 та жамоа иштирок этиши орзуим ҳисобланади.

Энди биз 3-4 кун давомида тикланишга эътибор қаратамиз. Шундан сўнг рақибимизни таҳлил қиламиз, тактик ишларни олиб борамиз",- дейди Шин Таэ Йонг. “Замин” янгиликларини “Одноклассники”да кузатиб боринг