^{Фото: Anadolu}
ҲАМАС халқаро ҳамжамиятнинг Ғазода ўт очишни тўхтатиш тўғрисидаги таклифини қабул қилди. Бу ҳақда Anadolu нашри Яқин Шарқ манбаларига асосланиб, хабар берди.

Манбада айтилишича, ҲАМАС раҳбари Исмоил Ҳания Қатар бош вазири ва Миср разведка бошқармаси бошлиғи билан телефон мулоқоти чоғида ташкилотнинг ўт очишни тўхтатишга розилигини билдирган.

Исмоил Ҳания 6 март куни Қатар бош вазири Шайх Муҳаммад бин Абдулраҳмон Ол Тани ва Миср разведка хизмати раҳбари Аббос Камел билан телефон мулоқотида бўлган. Томонлар ҲАМАС раҳбарига ҳарбий ҳаракатларни тўхтатишни таклиф қилган.

Олдинроқ Исроил кучлари Ғазо жанубидаги Рафаҳ шаҳрининг шарқий ҳудудларида аҳолини кўчириш тўғрисида буйруқ берган эди. Бунинг оқибатида 1,5 миллион нафарга яқин фаластинликлар гуманитар анклавларга ўтказилиши хабар қилинган.

Исроил томони ҲАМАСнинг қарорига ҳеч қандай муносабат билдирмаган. Тель-Авивдан ҳам ўт очишни тўхтатиш бўйича ҳеч қандай кўрсатма берилмаган. “Замин” янгиликларини “Одноклассники”да кузатиб боринг