Telegram мессенжери глобал узилишлар билан ишламоқда. 25 февраль санасида Downdetector сайтига тушган мурожаатлар шундан далолат беради.

Тошкент вақти билан соат 21:53да сайтга мессенжер ишламаётгани юзасидан 158 та шикоят тушган: уларнинг 44 фоизида серверга уланиш, 29 фоизида хабарлар олишдаги муаммолар, 27 фоизида илованинг ўзидаги нуқсонлар ҳақида хабар берилган.

Муаммо асосан Россия, Украина, Франция, Германия ва яна айрим мамлакатларда кузатилган.