Венгрия жанубида енгил машина ва поезд тўқнашуви етти кишининг умрига зомин бўлди, деб хабар берди Blikk.hu.

Бахтсиз ҳодиса бугун, 5 сентябр тонгида поезд йўлининг шлагбаум ўрнатилмаган кесишмасида юз берган. Узумзорга йўл олган автомобилда етти нафар ишчи бўлган, уларнинг икки нафари машина юкхонасида кетаётгани кейинроқ аниқланди...

Поезд билан тўқнашув жуда кучлилигидан машина батамом мажақланиб кетган. Қутқарувчилар аввалига беш кишининг жасадини топишди, бир соатдан кейин эса яна икки жасад аниқланди.

Поезд машинисти енгил жароҳат олган, поезд йўловчиларига шикаст етмаган. Ушбу темир йўлда қатнов орадан икки соат ўтиб тикланган.