Бельгия бош вазири Александр де Кроо йил охиригача Украинага F-16 қирувчи самолётлари юборилишини маълум қилди.
Александр де Кроо қирувчи самолётлар пули музлатилган Россия активлари ҳисобидан тўланишини айтган.
Бельгияда кўплаб музлатилган рус активлари борлигини эслатган де Кроо: «Украинлар ўзларини ҳимоя қилишлари учун русларнинг пулларидан фойдаланамиз. Самолётлар учун харажатлар Бельгия бюджетидан тўланмайди».
Унга кўра, F-16 қирувчи самолётлари йил охиригача Украинага юборилади: «Бу Украина мудофааси учун катта қадамдир. Мамлакатимиз аллақачон F-16 коалициясининг аъзоси сифатида етказиб берилган самолётларни таъмирлаш ва украиналик учувчиларни тайёрлаш учун масъул эди. Аммо энди биз Украинага самолётлар етказиб берадиган чекланган давлатлар қаторига қўшилдик».