Япония бош вазири Фумио Кисида Бразилия президенти Луис Инациу Лула да Силва билан музокаралар ўтказди, унинг асосий мавзуси иқлим ўзгаришига қарши кураш бўлди.

Икки лидер жума куни Бразилияда учрашди. Кисида Бразилия билан алоқалар муҳимлигини таъкидлади.

Жанубий Америка мамлакатида Япониядан ташқарида япон миллатига мансуб одамларнинг энг катта жамоаси жойлашган.

Кисида президент Лула билан ушбу саммитни икки томонлама муносабатларни янада мустаҳкамлаш имконияти сифатида қабул қилиш ниятида эканлигини айтди ва ўз мажбуриятини яна бир бор тасдиқлади.

Бразилия келаси йили БМТнинг иқлим ўзгариши бўйича COP30 конференциясига мезбонлик қилиши режалаштирилган.

Кисида ва Лула Амазонни сақлаб қолишга ёрдам бериш режаси, жумладан, ўрмонларнинг йўқолишини олдини олиш ва ерларни таназзулдан тиклаш бўйича чора-тадбирлар тўғрисида келишиб олдилар.

Улар, шунингдек, глобал декарбонизацияни рағбатлантиришнинг янги икки томонлама механизми бўйича келишиб олди. Япония Бразилия биоёқилғи ва мўл-кўл табиий ресурсларга эга бўлади. Бразилия эса илғор япон технологияларидан, жумладан, гибрид двигателлардан фойдаланади.

Бундан ташқари, музокаралар давомида Кисида ва Лула қонун устуворлигига асосланган эркин ва очиқ халқаро тартибни қўллаб-қувватлашга ваъда берди.