Президент Владимир Зеленский Украинага ҳужумини кенгайтиришга тайёрланаётган Россия билан урушнинг янги босқичига дуч келаётганини айтди. Бу ҳақда президент Хмелнитскийга сафари чоғида чегарачиларга мурожаатида айтиб ўтди.

“Бугун урушнинг 800-куни. Бу бизнинг давлатимиз босиб ўтиши керак бўлган жуда оғир ва машаққатли йўл ва биз урушни адолатли шартларда, Украина шартларига кўра тугатиш учун ҳали ҳам босиб ўтишимиз керак бўлган йўл. Энди бизни урушнинг янги босқичи кутмоқда. Россия тажовузкор ҳаракатларни кенгайтиришга тайёрланмоқда”, — деди президент.

Унинг таъкидлашича, украиналиклар, аскарлар, давлат ва шериклар биргаликда Россиянинг ҳужум режасини барбод қилиш ва душман ўз мақсадларига эриша олмаслигини исботлаш учун ҳамма нарсани қилишлари керак.