Статистика агентлиги маълумотларига кўра, 2024 йилнинг январь-февраль ойларида Туркиядан Ўзбекистонга 14,3 минг нафар туристлар ташриф буюрган.

Бу кўрсаткич ўтган йилнинг мос даври билан солиштирилганда 897 нафарга ёки 6,7 % га ошган.

2024 йилнинг 2 ойида Туркиядан Ўзбекистонга келган туристларнинг асосий сафар мақсадлари:

- қариндошларни йўқлаш — 6 393 нафар;

- дам олиш — 5 363 нафар;

- хизмат юзасидан — 2 238 нафар;

- тижорат — 243 нафар;

- ўқиш — 19 нафар;

- даволаниш — 11 нафар.