Россия Мудофаа вазирлиги Москвада НАТО давлатларининг қурол-яроғ ва ҳарбий техника намуналарини, жумладан, Украинадаги можаролар чоғида Россия армияси томонидан тортиб олинган «Леопард» ва “М1 Абрамс” танкларини намойиш этди.

Чоршанба кунидан бери Россия пойтахтидаги Ғалаба боғида АҚШ, Германия, Англия, Франция ва Украина каби давлатларда ишлаб чиқарилган қурол ва ҳарбий техниканинг 30 дан ортиқ намуналаридан иборат кўргазма ташриф буюрувчилар учун очиқ.

“Тарих такрорланади” шиори остида очилган кўргазманинг бошида Иккинчи жаҳон уруши йилларида Совет армияси томонидан қўлга олинган Германиянинг Мардер 2 танк эсминетси жойлашган.

Германиянинг Леопард танки, Мардер пиёда жанговар машинаси, Американинг М1 Абрамс танки, Бредли зирҳли жанговар машинаси, М777 гаубицаси, Британиянинг Хаски ва Саксон зирҳли машиналари, Франциянинг АМХ-10РС ғилдиракли танки каби машҳур қуроллар ўрин олган кўргазмада ҳарбий техникалар, асосан НАТОга аъзо мамлакатларда ишлаб чиқарилган ва уруш пайтида йўқ қилинган.

Шунингдек, жангларда қўлга олинган Украина танклари ва зирҳли техникалари ҳам фуқаролар эътиборига ҳавола этилмоқда.

Ғарб мамлакатларида ишлаб чиқарилган танкга қарши, миналарга қарши ва бошқа ўқотар қуроллар, техник жиҳозлар намуналари ҳам шу ерда.

Москвадаги кўргазма 31 майга қадар очиқ бўлади.