16 сентябрь куни олтин қуйма ва эсдалик тангалар нархи янги юқори даражага етди. Бу ҳақда Марказий банк маълум қилди.

Бир грамм олтин таннархи 1 млн 97 минг 200 сўмга етди ёки ўтган жумага нисбатан 1,35%га қимматлади. Беш граммлик ўлчагич 5 млн 486 минг сўмдан таклиф қилинмоқда.

Регулятор томонидан олтин қуймалари бўйича тақдим қилинган маълумотга кўра:

- 5 грамм ўлчовли олтин қуйма нархи 5 млн 486 минг сўм;

- 10 грамм олтин қуйма нархи 10 млн 971 минг сом;

- 20 грамм олтин қуйма нархи 21 млн 942 минг сўм;

- 50 грамм олтин қуйма нархи 54 млн 855 минг сўмни ташкил қилади.

Қимматбаҳо металнинг нархи сентябрь ойи бошидан буён учинчи марта янги чўққига чиқди. Умуман олганда, йил бошидан буён 29,4%га ўсди.

Олтиннинг глобал нархи айни пайтда троя унцияси учун $2590га яқинлашди.