Кировда полиция Ўзбекистонда одам савдосида гумонланаётган 21 ёшли муҳожирни қўлга олди. Бу ҳақда Lenta.ru'га Россия Ички ишлар вазирлигининг Киров вилояти бўйича матбуот хизмати маълум қилди.
Ҳуқуқ-тартибот идоралари вакилларига кўра, эркак давлатлараро қидирувда бўлган. Россия ҳудудида у ўз мамлакатининг қонунларидан яширинган. Қўлга олинган шахс полицияга қизларни сотгани учун қидирувда бўлганини тан олди.
Бухорода унга нисбатан Ўзбекистон Республикаси Жиноят кодексининг 135-моддаси (“Одам савдоси”) билан сиртдан қамоққа олиш тарзидаги эҳтиёт чораси қўлланилган. Ҳозирда тезкор ходимлар экстрадиция текширувини ўтказди. Қўлга олинган қул савдогар Ўзбекистонга олиб кетилади.