"Интер Маями" президенти Девид Бекхем «Ал-Наср» ҳужумчиси Криштиану Роналдуни Америка клубига ўтказиш имкониятларини ўрганмоқда. Бу ҳақда журналист Абдулазиз ал-Осаймий хабар бермоқда.

Манбага кўра, Бекхемга Роналду ва аргентиналик ҳужумчи Лионел Мессини бир клубда бирлаштириш ғояси жуда ёқади.

Эслатиб ўтамиз, 2022 йилнинг кузида Роналду "Манчестер Юнайтед"да ўйнаганида ОАВ Бекхем португалиялик ҳужумчи билан музокара олиб борганини хабар қилган эди.

Жорий мавсумда Роналду барча турнирларда 40 та учрашувда қатнашиб, 41 та гол ва 12 та голли узатмани амалга оширган. Футболчининг клуб билан амалдаги меҳнат шартномаси 2025 йилнинг ёзига қадар амал қилади. Трансфермаркт порталида берилган маълумотларга кўра, футболчининг бозор қиймати 15 миллион еврони ташкил қилади.