Италия G7 (Катта еттилик) мамлакатлари ўртасида Туриндаги G7 энергетика вазирларининг йиғилиши олдидан электр энергияси ишлаб чиқаришда кўмирдан фойдаланишни босқичма-босқич тўхтатиш бўйича умумий санани белгилаш бўйича келишувга интилмоқда. Бу ҳақда Reuters агентлиги 27 апрель, шанба куни дипломатик манбаларга таяниб хабар берди.

Бу йил G7га раислик қилаётган Италиянинг ўзи 2025 йилгача Сардиния оролидагилардан ташқари барча кўмир электр станцияларини ёпишни режалаштирмоқда.

Бироқ, Германия кўмирдан воз кечиш муддатини белгилашга қаршилик қилмоқда, деб ёзади агентлик. Берлин ҳозирда кўмирдан фойдаланишни босқичма-босқич тўхтатишга интилмоқда, бироқ ёқилғи мамлакат электр энергетикаси учун жуда муҳим бўлиб қолмоқда.

Италия ҳам атом энергетикасини қўллаб-қувватламоқчи, бироқ 2023 йилда сўнгги атом электр станциясини қурган Германия бунга қарши, дея хабар беради Reuters.