![Detail image](https://dnews.uz/img/assets_front/img/news/uzreport/uzreport6569cbe28b35c.jpeg)
Ўзбекистонда 2024 йилнинг 1 июлидан бошлаб ташкилий-ҳуқуқий шакли акциядорлик жамияти бўлган компанияларгина тўлов тизими оператори ва тўлов ташкилоти сифатида фаолият юритиши мумкин бўлади. Бу – 30 ноябрь куни имзоланган президент қарорида кўзда тутилган.
Қарорга кўра, тўлов тизими операторларининг устав капитали 2024 йилнинг 1 июлидан бошлаб камида 50 млрд сўм бўлиши керак. Шу санадан эътиборан тўлов ташкилотининг устав капитали бўйича минимал талаб 10 млрд сўм, 2025 йил 1 июлдан эса 20 млрд сўм деб белгиланади.
Ҳужжат билан, Ҳумо (“Миллий банклараро процессинг маркази” МЧЖ) устав капиталидаги давлат улуши Марказий банкдан олиниб, Давлат активларини бошқариш агентлигига ўтказилади.