Айни пайт мамлакатимизда бўлиб турган Буюк Британия ташқи ишлар вазири Девид Кемерон ҳозиргина Ўзбекистон Ташқи ишлар вазирлигига ташриф буюрди.
Дастурга мувофиқ, бу ерда мартабали меҳмоннинг мамлакатимиз ташқи сиёсат идораси раҳбари Бахтиёр Саидов билан музокараси бошланди.
Учрашув давомида минтақавий хавфсизлик, таълим, иқлим ўзгариши, икки томонлама савдо ҳамда бизнес алоқаларини ривожлантириш масалалари муҳокама этилмоқда.