АҚШ Давлат котиби Энтони Блинкен Ар-Риёдда Саудия Арабистони валиаҳд шаҳзодаси Муҳаммад бин Салмон Ол Сауд билан учрашди. Бу ҳақда Саудия Press агентлиги хабар берди.

Валиаҳд шаҳзода Фаластин президенти Маҳмуд Аббос ва Британия ташқи ишлар вазири Девид Кемеронни ҳам ўз қароргоҳида қабул қилди. Саудия Арабистони давлат агентлиги учрашувлар ҳақида батафсил маълумот бермаган. 

29 апрель куни Блинкен Саудия Арабистонига етиб келди ва бу унинг минтақавий гастролининг биринчи бекатига айланди. Шу ҳафта Давлат котиби Исроил ва Иорданияга ҳам ташриф буюради ва у ерда Ғазо секторидаги вазиятни муҳокама қилади. Давлат департаменти матбуот хизмати раҳбари Метю Миллернинг сўзларига кўра, Америка дипломатияси раҳбари асосий эътиборни Фаластин анклавидаги ўт очишни тўхтатиш масаласига қаратади, бу эса ҲАМАС ҳаракати томонидан гаровга олинганларни озод қилиш ва инсонпарварлик ёрдами ҳажмини ошириш имконини беради. 

Давлат котиби Ар-Риёдда Жаҳон иқтисодий форумининг махсус сессиясида нутқ сўзлади ва Форс кўрфази араб давлатлари ҳамкорлик кенгашининг вазирлар йиғилишида иштирок этди. Бундан ташқари, Блинкен Қатар, Саудия Арабистони ва Туркия ташқи ишлар раҳбарлари билан музокаралар ўтказди, шунингдек, Миср, Иордания, БАА ва Фаластин вакиллари билан учрашади.