Канберра Киевга 100 миллион долларлик янги ҳарбий ёрдам пакетини тақдим этади. Бу ҳақда Австралия мудофаа вазирлиги раҳбари Ричард Марлес Лвовда Украина бош вазири Денис Шмигал билан қўшма матбуот анжумани чоғида маълум қилди. 

"Бугун биз Украинага 100 миллион долларлик янги ёрдам пакетини ажратамиз, шундан 50 миллиони қисқа масофага мўлжалланган ҳаво мудофааси тизимларига, яна 30 миллиони эса ҳаво ҳужумига қарши мудофаа тизимларини сотиб олишга йўналтирилади. Қолганлари эса турли товарларга сарфланади”, — деди мудофаа ишлари бошқармаси бошлиғи.

Марлес Австралия Украинани қўллаб-қувватлашда давом этишга тайёрлигини таъкидлади. Нашр эслатганидек, Канберра томонидан берилган ёрдамнинг умумий миқдори аллақачон тахминан 880 миллион долларни ташкил қилган.