Техаснинг Шимолий округ суди украиналик хакер Ярослав Васинскийни кибержиноятлар ва 700 миллион долларлик товламачиликда айблаб, 16 миллион доллар жаримага тортди. 

АҚШ Адлия вазирлиги веб-сайтида эълон қилинган иш материалларига кўра, 24 ёшли Ярослав Васинский «Ревил» кибержиноятчилар гуруҳининг аъзоси бўлган ва тўлов дастуридан фойдаланган ҳолда 2,5 мингдан ортиқ ҳужумларда иштирок этган. Улар шериклари билан биргаликда бутун дунё бўйлаб минглаб компьютерларни бузиб, қурбонларнинг шахсий маълумотларини ошкор қилмаслик учун тўлов талаб қилишган. 

2022 йилнинг январь ойида Россия ФСБси Қўшма Штатлар талабига биноан «Ревил» гуруҳи аъзолари ҳибсга олинганини эълон қилди. Москва, Санкт-Петербург, Москва, Ленинград ва Липетск вилоятларида жами 14 киши қўлга олинган.