Вашингтон Халқаро жиноий суди томонидан Исроил Бош вазири Бинямин Нетаняху ва Исроилнинг бошқа юқори мартабали амалдорларини ҳибсга олишга ордер бериши мумкинлиги ҳақидаги саволга жавоб қайтарди. Оқ уй матбуот котиби Карин Жан-Пер 29 апрель, душанба куни АҚШ терговни қўллаб-қувватламаслигини, шунингдек, Гаагадаги Халқаро жиноий суди юрисдикцияга эга эмаслигига ишончи комил эканлигини айтди. У бу саволга батафсил жавоб бермади.

Олдинроқ Исроил ОАВлари Нетаняху ХЖС уни, шунингдек, Исроил мудофаа вазири Ёав Галант ва Бош штаб бошлиғи Герзи Ҳалевини ҳибсга олиш учун ордер беришидан қўрқишини хабар қилган эди. Гаагадаги Халқаро жиноий суди 2021 йилдан буён Ғазо секторида ҳарбий жиноятлар содир этганликда айбланиб, Ҳамас ва Исроил радикал террорчи гуруҳини тергов қилмоқда. Шунингдек, Ғарбий Соҳилда исроиллик кўчманчилар томонидан содир этилган зўравонлик ҳаракатлари бўйича тергов олиб борилмоқда.

Халқаро жиноий суди юрисдикциясини қабул қилган давлатлар, агар улар ушбу давлатлар ҳудудида жойлашган бўлса, ордер бўйича одамларни ҳибсга олишлари ва Гаагага топширишлари шарт. АҚШ каби Исроил ҳам Халқаро жиноий суднинг юрисдикциясини тан олмайди.