Ҳиндистоннинг Уттар-Прадеш штати, Ҳатрас туманидаги диний маросимда юз берган тиқилинчда камида 121 киши ҳалок бўлди.

Фожиа Рати Бханпур қишлоғида содир бўлди, унинг чеккасида одамлар машҳур воиз Бҳоле Бабани тинглаш учун тўпланишган. Бундай диний учрашувлар сатсанг деб аталади.

Қурбонларнинг шахсини аниқлаш жараёни ҳамон давом этмоқда, уларнинг аксарияти аёллар ва болалардир.

Сешанба куни маҳаллий маъмурлар камида 116 киши ҳалок бўлгани ҳақида эрталаб ANI ахборот агентлиги орқали қурбонлар сони 121 кишига етганини маълум қилишди.

Уттар-Прадеш ҳукумати раҳбари Манож Кумар Сингхнинг сўзларига кўра, ҳалок бўлганлар орасида 108 нафар аёл ва етти нафар бола бор.

Ҳиндистон бош вазири Нарендра Моди тиқилинчда ҳалок бўлганлар ва жароҳатланганларнинг оилаларига моддий ёрдам кўрсатишга ваъда берди.

Тўқнашувга айнан нима сабаб бўлгани номаълум. Гувоҳларнинг сўзларига кўра, чиқиш йўли жуда тор бўлган ва одамлар тадбирни тарк этаётганда кучли чанг бўрони саросимага тушиб, ваҳима келтириб чиқарган, натижада кўплаб одамлар оёқ ости қилинган.

Ҳатҳрас полиция бўлими масъул ходими Ашиш Кумарнинг айтишича, тиқилинч тадбирга жуда кўп одам тўплангани сабабли юз берган.

"Зиёратчилар сони маъмурият рухсат берган чегарадан ошиб кетди, бу эса тиқилинчга олиб келди", дейилади штат ҳукумати баёнотида.