Жанубий Кореянинг Чунчон-Намдо провинциясида ўзбекистонлик 25 ёшли талаба бошқарувидаги автомобиль беш нафар ўқувчини уриб юборди, деб хабар берди Yonhap агентлиги.

Маълум бўлишича, ўзбекистонлик йигит ўз машинасини йўлнинг қарама-қарши қисмига ҳайдаб, йўл четида 5 нафар ўқувчини уриб кетган. Ўқувчилар оғир тан жароҳати олиб, касалхонага ётқизилган талабалар бўлган. 4 киши оғир, 1 нафари ўртача даражада тан жароҳати олган.

Ўзбекистонлик талаба қўлга олинди. Тахминларга кўра, у воқеа содир бўлган вақтда ухлаб қолган.