Олий даражадаги стратегик ҳамкорлик кенгашининг иккинчи йиғилиши муносабати билан Ўзбекистон президенти Шавкат Мирзиёевнинг таклифига биноан Туркия президенти Режеп Таййип Эрдоған Ўзбекистон пойтахти Тошкентга келди. Бу ҳақда Туркия президенти Матбуот хизмати хабар берди.

Президент Эрдоғонни Тошкент халқаро аэропортида Ўзбекистон президенти Шавкат Мирзиёев рафиқаси Зироат Мирзиёева, шунингдек, Ташқи ишлар вазири ўринбосари Ғайрат Фазилов, Тошкент вилояти ҳокими Жаҳонгир Ортиқхўжаев ва яна қатор расмийлар кутиб олишди.

Президент Эрдоған рафиқаси Эмине Эрдоған билан бирга Адлия вазири Бекир Боздағ, Миллий Мудофаа вазири Ҳулуси Акар, Меҳнат ва ижтимоий хавфсизлик вазири Ведат Билгин, Соғлиқни сақлаш вазири Фаҳреттин Кожа ҳам Тошкентга келди.