Тошкент шаҳар Яшнабод туманида ёнғи содир бўлгани акс этган видео ижтимоий тармоқларга сиздирилди. Ушбу ҳолат юзасидан Тошкент шаҳар ФВБ Матбуот хизмати изоҳ берди.

Бугун, 20 июл куни соат 13:33 атрофида Тошкент шаҳар, Яшнабод тумани Катта Олмос  кўчасида жойлашган янги қурилаётган биноларнинг бирида, ёнғин содир бўлаётгани тўғрисида Тошкент шаҳар ФВБга хабар тушган.

Шунга кўра, ёнғин-қутқарув экипажлари соат 13:42 да воқеа жойига етиб бориб, ёнғин соат 13:57 да ўчирилган.          

Содир бўлган ёнғин натижасида, бинонинг биринчи қаватида, қурилиш маҳсулотлари ёнган.