![Detail image](https://dnews.uz/img/assets_front/img/news/uznews/uznews668be593ae09e.jpg)
Тошкентда бир нечта шахслар бир фуқарони ураётганлиги акс этган видео ижтимоий тармоқларга сиздирилди. Мазкур ҳолат юзасидан Тошкент шаҳар ИИББ Матбуот хизмати изоҳ берди.
Аниқланишича, жорий йилнинг 1 июль куни тахминан соат 20:25 атрофида Юнусобод тумани Ифтихор кўчасида олдиндан ўзаро таниш бўлган фуқаролар 1988 йилда туғилган Н.Т., 1993 йилда туғилган С.Қ., 1987 йилда туғилган Д.Қ., 1995 йилда туғилган Ҳ.Қ., 1994 йилда туғилган Ж.И., 1997 йилда туғилган Ш.О.лар маош масаласида оғзаки жанжаллашган.
Фуқаролар С.Қ., Д.Қ,, Ҳ.Қ.лар жамоат тартибини бузган ҳолда жамиятда юриш-туриш қоидаларини қасддан менсимай, Н.Т.ни уриб, тан жароҳати етказишган. Сўнг Н.Т.ни ўзлари келган автомашинада уйи олдига олиб боришган. Жабрланувчи Н.Т.га шифохонада бирламчи тиббий ёрдам кўрсатилганидан сўнг у уйига кетган.
Мазкур ҳолат юзасидан Юнусобод тумани ИИО ФМБ ҳузуридаги Тергов бўлими томонидан ЖКнинг 277-моддаси (безорилик) билан жиноят иши қўзғатилган. Гумон қилинувчилар процессуал тартибда ушланган. Тергов давом этмоқда.