![Detail image](https://dnews.uz/img/assets_front/img/news/uznews/uznews669a817865ad4.jpg)
2024 йил 16 июль куни Беруний туманида ичида оилавий мактабгача таълим ташкилоти тарбияланувчилари бўлган автомашина йўл-транспорт ҳодисасига учради. Бу ҳақда туман ҳокимлиги Матбуот хизмати хабар бермоқда.
Йўл-транспорт ҳодисаси натижасида 3 нафар вояга етмаган болалар тан жароҳати олган ва туман тиббиёт бирлашмасига ётқизилган.
"Ҳозирда болаларнинг умумий аҳволи яхши. Автомашина ичида бўлган барча болалар чуқурлаштирилган тиббий кўрикдан ўтказилиб, уларда тан жароҳатлари аниқланмагач, уйларига рухсат берилди", - дейилади хабарда.
Эслатиб ўтамиз, аввалроқ ҳам Қорақалпоғистонда боғча тарбияланувчилари иштирокида ЙТҲ содир бўлганди.