11 апрель куни «Сирдарё» ЙПХ масканида ўтказилган тадбирда «Қашқадарё – Тошкент» йўналишида ҳаракатланиб кетаётган 36 ёшли Э.Ш. бошқарувидаги Nexia-1 автомобили текширилган.

Текширув давомида автомобиль юкхонасида ҳужжатларсиз ва келиб чиқиши номаълум бўлган 446 кг ҳайвон гўшти борлиги аниқланди.

Гўшт маҳсулотлари вилоят Ҳайвонлар касалликлари ташхиси ва озиқ-овқат маҳсулотлари хавфсизлиги давлат марказига олиб борилиб, лаборатория текширувларидан ўтказилганда истеъмолга яроқсиз эканлиги маълум бўлган.

Гўшт тегишли тартибда йўқ қилинган. Автомобиль эса қонуний чора кўриш учун жарима майдонига қўйилган.

Ҳозирда ушбу ҳолат юзасидан суриштирув ишлари олиб борилмоқда.