ТОШКЕНТ, 27 окт — Sputnik. Россия ва Ўзбекистон ОТМлари ўртасида янги ҳамкорлик ҳужжатлари имзоланди. Бу ҳақида Олий ва ўрта махсус таълим вазирлиги хабар берди.

Самарқандда бўлиб ўтаётган Ўзбекистон–Россия 3-таълим форумининг ялпи мажлиси якуни бўйича резолюция қабул қилинди.

Шундан сўнг, Мактабгача таълим, Халқ таълими вазирликлари ҳамда икки давлатнинг 20 га яқин олий таълим муассасаси ректорлари ўртасида ҳужжатлар алмашилинди.

Форум кун тартибидан, шунингдек Самарқанд шаҳрининг диққатга сазовор масканларини кўздан кечириш ҳам режа қилинган.

Эслатиб ўтамиз, мазкур форум якунида 100 га яқин ҳамкорлик шартномаси имзоланиши кутилмоқда. Битимлар асосан Россияда ривожланган технологик ишлаб чиқариш соҳаларининг тажрибасини Ўзбекистон олийгоҳларига татбиқ этишга қаратилган.