19-mart kuni Yaponiya banki asosiy stavkani yillik 0,0−0,1% oralig‘iga oshirishga qaror qildi, deya xabar berdi “CNBC” nashri.

Bu stavkaning oshishi mamlakat uchun 17 yil ichida birinchi bo‘ldi. 2007-yildan beri Yaponiya regulyatori kreditlashni rag‘batlantirish uchun stavkalarni manfiy ushlab turgan dunyoda yagona bo‘ldi.

Bundan tashqari, Yaponiya Markaziy banki birja fondlari (ETF) va qurilish investitsiya fondlarining aksiyalarini sotib olishdan bosh tortganini e’lon qildi.

Shuningdek, u korporativ obligatsiyalar va tijorat qog‘ozlarini xarid qilishni bosqichma-bosqich to‘xtatmoqchi.

Qaror Yaponiyaning eng yirik kasaba uyushmalari uyushmasi “Rento” va “Japan Inc” o‘rtasidagi ish haqini o‘rtacha 3,7% ga oshirish haqida kelishuv fonida qabul qilindi.

Regulyator kutganidek, uy xo‘jaliklari daromadlarining oshishi iste’mol talabini va umuman iqtisodiyotni rag‘batlantiradi.

E’londan so‘ng Yaponiya iyenasining dollarga nisbatan kursi 151 iyenaga tushib ketdi. Mamlakatning bir qator yirik banklari depozit stavkalari oshirilganini e’lon qildi.

Qaror bilan bog‘liq press-relizda Yaponiya banki COVID-19 pandemiyasi va global inqirozdan “o‘rtacha” iqtisodiy tiklanishni ta’kidladi.

Biroq, eksport darajasi barqarorligicha qolmoqda, shu bilan birga sanoat ishlab chiqarishi so‘nggi paytlarda pasaygan.

Yillik inflyatsiya so‘nggi oylarda yiliga 2% atrofida bo‘ldi, bu asosan import qilinadigan tovarlar narxining oshishi bilan bog‘liq.

Regulyator, birinchi navbatda, bosilgan talabni amalga oshirish hisobiga yanada mo‘tadil iqtisodiy o‘sishni kutmoqda.

Avvalroq “Spot” O‘zbekiston Markaziy banki asosiy stavkani yillik 14% darajasida o‘zgarishsiz qoldirgani haqida yozgandi.