Тошкент: +13
Toshkent hududidagi shahar yo‘nalishli taksi va avtobus yo‘nalishlarini biriktirish bo‘yicha ochiq tender e’lon qilindi. Bu haqda Transport vazirligi matbuot xizmati xabar berdi.
Unda litsenziyaga ega, elektron axborot tizimida ro‘yxatdan o‘tgan yuridik shaxslar qatnashishi mumkin. Buning uchun takliflarni axborot tizimi orqali jo‘natish zarur.
Bitta avtotransport bir vaqtning o‘zida bir nechta tugallanmagan lotlarga hamda amaldagi shartnomaga muvofiq yo‘nalishga biriktirilganlari tender taklifi sifatida axborot tizimiga kiritilmaydi.
Biroq, shartnomaning amal qilish muddati tugashiga 60 va undan kam kun qolgan avtotransportlar bundan mustasno.
Takliflar quyidagi shahar yo‘nalishli taksi va avtobus yo‘nalishlari bo‘yicha qabul qilinadi:
| № | Yo‘nalish raqami | Yo‘nalish nomi | Yo‘nalish turi |
| 1 | 36 | TTZ AShB-Zenit zavodi | Avtobus |
| 2 | 90 | Yunusobod 19 daha-Xuvaydo mahallasi | Avtobus |
| 3 | 144 | Toshkent INDEX savdo majmuasi-Qipchoq transport o‘tish bog‘lamasi | Avtobus |
| 4 | 153 | Qibray AShB-Eko bozori bekati | Avtobus |
| 5 | 91M | Aviasozlar AShB-Chorsu metrosi AShB | Yo‘nalishli taksi |
| 6 | 113M | Qora Qamish 2/4-mavzesi-Malika fabrikasi | Yo‘nalishli taksi |
| 7 | 125M | Toshkent tibbiyot akademiya-Chilonzor metrosi | Yo‘nalishli taksi |
| 8 | 136M | Qo‘yliq bozori — Toshkent MUM AShB | Yo‘nalishli taksi |
| 9 | 142M | Bunyodkor mahallasi-Paxtakor metrosi ASHB | Yo‘nalishli taksi |
| 10 | 152M | Aviasozlar AShB-Beshyog‘och maydoni | Yo‘nalishli taksi |
| 11 | 192M | Qorasuv 6-mavzesi-Yunusobod mavzesi 9-daha | Yo‘nalishli taksi |
Tender 2023-yilning 5-yanvar kuni soat 12:00 da elektron tarzda o‘tkaziladi. Takliflar belgilangan muddat yakunlanganidan keyin qabul qilinmaydi hamda kelib tushgan takliflar tizim orqali avtomatik tarzda baholanadi.
Batafsil ma’lumot bu yerda.
