• 11430.07
  • 12299.90
  • 147.90
weather Тошкент: +24°C
Detail image

“Qanot Sharq” aviakompaniyasi Samarqand-Istanbul yoʻnalishi boʻyicha to‘g‘ridan-to‘g‘ri muntazam reyslarni yoʻlga qoʻyadi. Bu haqda Transport vazirligi matbuot xizmati xabar berdi.

Qayd etilishicha, parvozlarning boshlanishi 1-iyunga belgilangan. Reyslar haftada uch marta — seshanba, payshanba va shanba kunlari amalga oshiriladi.

Samarqanddan uchish soat 7:00 da amalga oshiriladi va bir tomonlama chipta narxi — $208ni tashkil qiladi.

“Qanot Sharq” oʻzini Oʻzbekistondagi birinchi xususiy aviakompaniya sifatida ta’kidlaydi. Aviakompaniya 1998-yilda roʻyxatdan oʻtgan boʻlib, 2003−2012-yillarda “Uzbekistan Airways"dan IL-76 samolyotlarini ijaraga olgan holda charter reyslarini amalga oshirgan.

Barcha IL-76 samolyotlarini Mudofaa vazirligiga oʻtkazilganidan soʻng, kompaniyaning havo operatori sertifikati toʻxtatildi. Prezident fuqarolik aviatsiyasi toʻg'risidagi farmonni imzolagandan soʻng, kompaniya asoschilari uni mahalliy aviakompaniya maqomida tiklashga qaror qilishdi.

“Qanot Sharq” aviakompaniyasi 2021-yil sentabr oyidan parvozlarni amalga oshirib kelmoqda.

2022-yil 21-iyuldan boshlab “Qanot Sharq” aviakompaniyasi Sankt-Peterburg-Samarqand yoʻnalishi boʻyicha qatnovlarni boshlagandi.

Avgust oyida esa aviakompaniya ikkita yangi Airbus A321neo samolyotini lizingga oldi.

Shuningdek, “Qanot Sharq” Toshkent-Farg‘ona-Moskva yo‘nalishida qatnovlarni yo‘lga qo‘ydi. Parvozlar shanba va yakshanba kunlari amalga oshiriladi.


Avvalroq “Spot” Rossiyaning “Utair” aviakompaniyasi iyun oyidan boshlab Samaradan Buxoro va Farg‘onaga muntazam parvozlarni amalga oshirishi haqida yozgandi.

Ўхшаш янгиликлар