“OpenAI” o‘zining sun’iy intellektli “SearchGPT” qidiruv tizimini taqdim qildi. Bu haqda “hi-tech.mail” nashri xabar berdi.
Sun’iy intellekt bilan ishlaydigan qidiruv tizimi aniq va tegishli manbalar bilan tez va o‘z vaqtida javob berishi mumkin.
Ishlab chiqaruvchi kompaniya tomonidan chop etilgan skrinshotlar va videolar buni tasdiqlaydi.
“SearchGPT” foydalanuvchisi uchun hamma narsa katta matn maydoni va “Siz nimani qidiryapsiz?” degan savoldan boshlanadi.
So‘rovni kiritganda, tizim “Google” va boshqa mashhur qidiruv tizimlaridagi kabi tegishli havolalarning oddiy ro‘yxatini emas, balki ma’lumotlarning yanada mazmunli xulosasini ishlab chiqaradi.
Turli manbalardan olingan tarkib bir sahifada umumlashtiriladi va bitta butunlikda tashkil etiladi — foydalanuvchi havolalar bo‘ylab “sakrab o‘tishi”, tarqoq faktlarni o‘qishi shart emas.
Misol uchun, agar foydalanuvchi “avgust oyida Kaliforniya shimolidagi Boone shahridagi musiqa festivallari” deb qidirsa, “SearchGPT” turli manbalardan olingan ma’lumotlardan foydalanib festivallar ro‘yxatini tuzadi va ularning har biri haqida qisqacha ma’lumot beradi. Manbalarning o‘zi va ularga havolalar qavs ichidagi kontent yonida ko‘rsatiladi.
Sun’iy intellekt imkoniyatlariga ega qidiruv tizimi “The Associated Press”, “The Atlantic”, “Vox Media” va “The Wall Street Journal” kabi taniqli nashriyotlar va axborot agentliklari bilan hamkorlikda yaratilmoqda. Ularning tarkibi tizimni o‘qitish uchun ishlatiladi.
“SearchGPT” hozircha cheklangan miqdordagi odamlar uchun prototip rejimida ishlamoqda.
“Biz uni kichik guruh foydalanuvchilar va noshirlar uchun fikr-mulohaza olish uchun ishga tushirmoqdamiz. Ushbu prototip vaqtinchalik bo‘lsa-da, biz ushbu xususiyatlarning eng yaxshisini kelajakda “ChatGPT"ga to‘g‘ridan-to‘g‘ri integratsiya qilishni rejalashtirmoqdamiz”, — deydi “OpenAI” xabarida.
Kompaniya testga qo‘shilishni xohlovchilarga ham o‘z ma’lumotlarini kutish ro‘yxatiga qo‘shishni maslahat beradi.
Avvalroq “Spot” “Google"ga raqobatchi bo‘lgan yangi qidiruv tizimi ishga tushirilgani haqida yozgandi.
Yangi qidiriuv tizimi “Perplexity” deb nomlanib, u “ChatGPT” va “Copilot” sun’iy intellekt texnologiyalariga asoslangan.