“Microsoft” korporatsiyasi matn tavsiflaridan foydalangan holda tasvir va dizayn yaratish imkonini beruvchi “Designer” ilovasini chiqardi.

Bepul ilovadan “Windows” foydalanuvchilari, shuningdek, iOS va Android qurilmalari egalari foydalanishlari mumkin.

Ilova tabriknomalar, kollajlar, stikerlar, avatarlar, fon rasmlari, kulgichlar va boshqa tasvirlarni yaratishga yordam beradi.

Ilovaning veb-versiyasi 80dan ortiq tillarni qo‘llab-quvvatlaydi. Ijodiy jarayonni osonlashtirish uchun tezkor andozalar taqdim etiladi.

Shuningdek, ilova yordamida surati uslubini tahrirlash mumkin va tez orada fonni o‘zgartirish mumkin bo‘ladi.

“Designer” “Copilot AI” yordamchisi orqali “PowerPoint” va “Word” bilan mos keladi va “Copilot Pro” obunachilari ish joyida tasvirlarni yaratishi mumkin.

Tez orada “Word” fayllari mazmuni asosida hujjatlar uchun bannerlar yaratish imkoniyati paydo bo‘ladi.

Ilova “Microsoft Photos"ga ham integratsiya qilingan, shuning uchun ilovadan chiqmasdan rasmlarni tahrirlash mumkin.

Avvalroq “Spot” “Microsoft” “Paint"da eskizlardan rasm yaratish vositasini qo‘shishi haqida yozgandi.

Qayd etilishicha, u orqali foydalanuvchi eskizlarini birlashtirishi va ular asosida tasvir yaratishi mumkin.